O Cisne presenta a Marko Antelj e xa mira cara ao derbi no Rosal
Por Diego Espiño
Leva varias semanas traballando co equipo, pero non foi ata este xoves cando o Club Cisne Balonmán presentou á súa fichaxe destacada para esta tempada, o gardameta serbio Marko Antelj.
"Las dos semanas que lleva con nosotros nos ratfica en la decisión de traerlo", sinalou o presidente da entidade, Santiago Picallo, nun acto celebrado no Hotel Alda Estación Pontevedra, no que Marko vivirá mentres se prolongue a tempada deportiva.
"Esperamos que nos ayude a salvar la categoría sin apuros", completou o dirixente antes de dar a palabra ao mozo xogador, que en inglés explicou que se decidiu pola oferta do Cisne tras falar "con xogadores serbios que xogaron no Teucro e en Galicia".
Trátase ademais dunha experiencia, a de abandonar o seu país, "nova pero que é boa para min".
Xunto a Marko Antelj atopábase unha nutrida representación do plantel cineísta, que xa pensa no derbi galego da División de Honra Prata que lle enfrontará o vindeiro sábado (19:00 horas) no Rosal ao recentemente ascendido Atlético Novás.
O conxunto adestrado por Jabato chega á cita cun punto conseguido en dúas xornadas, mentres que o Novás aínda non se estreou.
Relacionadas:
-
O Cisne frea o líder Torrelavega nun empate con sabor agridoce (24-24)
Por Sofía Lorenzo & Diego Torrado |
-
O Cisne despídese da Copa do Rei en primeira rolda ao perder ante o Nava (25-31)
Por Redacción |
-
O Cisne fai o difícil para afundirse nos últimos minutos fronte ao Barcelona B (33-37)
Por Redacción & Diego Torrado |