O Teucro viaxará a Nava de la Asunción na segunda rolda da Copa do Rei
Por Redacción
A Sociedad Deportiva Teucro xa coñece cal será o seu rival na súa estrea na Copa do Rei, na segunda rolda na que entran en competición oito dos equipos da Liga Asobal.
Os azuis enfrontaranse ao Balonmano Nava, equipo que na primeira eliminatoria do torneo do K.O. deixou na cuneta ao outro equipo pontevedrés en liza, o Cisne, segundo o establecido no sorteo celebrado este luns na sede da Real Federación Española.
Esta eliminatoria disputarase a partido único en Nava de la Asunción o próximo 17 de outubro.
Ademais do Nava-Teucro, o resto de encontros serán: Palma del Río-Atlético Valladolid, Alarcos Ciudad Real-Bidasoa, Amenabar Zaratutz-Benidorm, Bordils-Ángel Ximénez, Puerto Sagunto-Cangas, Torrelavega-Alcobendas e Agustinos Alicante-Sinfín.
Os vencedores da segunda eliminatoria enfrontaranse entre si na terceira rolda, que se disputaría a dobre partido os días 19 e 22 de decembro.
Relacionadas:
-
A primeira vitoria do Teucro chega ao grande, tombando o Ademar (26-24)
Por Diego Espiño & Mónica Patxot |
-
Primeira xornada de 'champions' para o Teucro coa visita do Ademar ao Municipal
Por Diego Espiño |
-
O Cisne despídese da Copa do Rei en primeira rolda ao perder ante o Nava (25-31)
Por Redacción |
-
Merece máis o Teucro pero acaba cedendo na pista do Anaitasuna (30-29)
Por Redacción |