Convocadas as subvencións para os clubes deportivos de Pontevedra
Por Redacción
A concellería de Deportes de Pontevedra acaba de convocar as axudas para financiar a actividade dos diferentes equipos deportivos da cidade durante o presente ano 2012.
O importe total das axudas, aprobadas por unanimidade pola corporación municipal, é de 479.100 euros divididos en tres apartados: organización de actividades, escolas deportivas e participación en competicións.
O concelleiro de Deportes, Agustín Fernández, destaca o esforzo realizado para "manter, en tempo de crise, as cantidades en cifras dignas".
Os clubes interesados deberán presentar as solicitudes antes do 27 de outubro. As bases están dispoñibles no Boletín Oficial da Provincia e na web do Instituto Municipal de Deportes: http://imdpontevedra.blogspot.com.es/