Antía Otero, ilusionada e "un poco nerviosa" ante o reto dos Xogos Olímpicos da Mocidade
Por Diego Espiño
Ilusionada aínda que tamén "un poco nerviosa". Así sente a pontevedra Antía Otero antes de afrontar un dos maiores retos no seu aínda curta carreira deportiva, os Xogos Olímpicos da Mocidade que se celebrarán en poucos días en Bos Aires.
A padexeira da Escuela de Piragüismo Ciudad de Pontevedra recibiu este mércores os ánimos do alcalde, Miguel Anxo Fernández Lores, e da concelleira de Deportes, Anxos Riveiro, antes de partir o vindeiro luns 1 de outubro rumbo á capital arxentina xunto ao resto do equipo español.
"Estamos moi orgullosos de que vaia representando a Pontevedra e a Galicia", recoñeceu Lores.
Antía Otero conseguiu a clasificación para os Xogos Olímpicos da Mocidade na fase previa celebrada en abril na Canal Olimpíc de Catalunya, en Castelldefels, onde competían "muchísimos países y eran todos súper buenos", explica a xoven deportista, que asegura non esperaba poder chegar a un evento de tanto nivel.
Agora, toca gozar da experiencia e tratar de facelo o mellor posible na competición de canoa baixo un formato pouco habitual nas probas de piragüismo. Por unha banda o 12 e 13 de outubro Antía disputará a modalidade de velocidade 'head to head sprint' nun circuíto en forma de 8, mentres que o 14 e 15 de outubro será a quenda da proba de 'slalom'.
Relacionadas:
-
Domingo Luís e Sergio Pérez, a semifinais dos Xogos Olímpicos da Mocidade
Por Redacción |
-
Un dobrete de Carol Agulla achega a España á loita polas medallas nos XXOO da Mocidade
Por Redacción |
-
Carol Agulla e Antía Pérez debutan con bo pé nos Xogos Olímpicos da Mocidade
Por Redacción |
-
A representación pontevedresa nos Xogos da Mocidade pon rumbo a Arxentina
Por Redacción |
-
O Ciudad de Pontevedra finaliza en cuarto posto no Nacional de Novas Promesas de piragüismo
Por Redacción |
-
A Copa de España de Xóvenes Promesas de Piragüismo queda na casa
Por Redacción |
-
A piragüista pontevedresa Antía Otero, clasificada para os Xogos Olímpicos da Mocidade
Por Redacción |
-
A padexeira pontevedresa Antía Otero, a un paso dos Xogos Olímpicos da Mocidade
Por Diego Espiño |