Aarón González vence no IV Torneo Internacional da Amizade
Por Redacción
Á terceira vez foi a vencida para Aarón González no Torneo Internacional da Amizade.
O boxeador do Team Thunder de Marín quedou en anteriores ocasións fóra da final, pero nesta ocasión conseguiu facerse coa medalla de ouro na competición organizada pola Federación Catalá de Boxeo e na que tomaron parte deportistas de Francia, Italia, Suíza e Irlanda.
González competiu coa Selección Galega e tras superar na semifinal o representate irlandés Vincent Esler loitou polo triunfo co catalán Adrián Fernández, vencendo por decisión unánime dos xuíces.
Este resultado achega unha boa dose de moral ao deportista marinense no inicio dunha tempada na que se marcou obxectivos ambiciosos.