O Froiz asina un triplete na casa e leva o Trofeo Cidade de Pontevedra
Por Redacción & Diego Torrado
Organizaban a carreira, eran o equipo cunha participación máis numerosa, e non defraudaron.
O Grupo Deportivo Supermercados Froiz foi o gran dominador este domingo no Trofeo Cidade de Pontevedra de ciclismo, Memorial Rogelio Acuña, que se celebrou na Boa Vila con saída e chegada na Praza de España.
A formación alimenticia contaba co equipo que competirá desde o vindeiro xoves na Volta a Galicia, obxectivo principal da tempada, e ese punto de forma extra resultou decisivo.
Despois dos 100 quilómetros de percorrido, dando a volta ao Morrazo, o vencedor foi Martín Lestido, que entrou da man xunto ao seu compañeiro de equipo Óscar Brea. Pola súa banda Guillermo García, tamén do Froiz, foi terceiro.
A carreira, na que competían ciclistas elite, sub-23 e máster, empezou a decidirse no quilómetro 47, cando se produciu unha escapada de 14 corredores que se distanciou tres minutos do pelotón. Os ataques na cabeza foron moitos na parte final, pero resultou decisivo o lanzado por Lestido e Brea a 5 quilómetros de meta.
Relacionadas:
-
Guillermo García, primeiro sub-23 en completar o III Memorial Rogelio Acuña
Por Redacción |
-
O Froiz faise co liderado na primeira xornada da Volta a Galicia
Por Redacción |
-
O Froiz, a poñer a guinda á tempada na Volta a Galicia
Por Diego Espiño |
-
Domingo de ciclismo na comarca co Trofeo Cidade de Pontevedra
Por Redacción |
-
Unha escapada dá a Óscar Brea o triunfo na Volta a Cantabria
Por Redacción |