Carla Goyanes conclúe no posto 14 no Mundial de natación en augas abertas
Por Redacción
Só nove segundos separaron á pontevedresa Carla Goyanes de lograr o seu obxectivo no Campionato do Mundo Júnior de Natación en Augas Abertas que se está disputando en Eilat, Israel.
A deportista do Natación Galaico entraba en competición na primeira xornada do Mundial, na proba dos 7,5 quilómetros na que se proclamou recentemente subcampioa europea e na que é tamén subcampioa nacional.
Goyanes marcábase como meta poder estar entre as 10 mellores da clasificación, pero tivo que conformarse co posto 14 cun tempo de 1 hora, 34 minutos e 43 segundos, a só 9 segundos da décima clasificada, a francesa Ilona Maille.
A medalla de ouro levouna a estadounidense Chase Travis (1:32:02), seguida das italianas Giulia Berton (1:32:59) e Giulia Salin (1:33:00), mentres que a española Ane de la Fuente fíxose coa quinta posición (1:33:07).
Toda unha experiencia para Carla Goyanes que pecha así unha tempada na que logrou asinar un gran progreso a nivel nacional e internacional.
Relacionadas:
-
Carla Goyanes pon rumbo a Xapón
Por Redacción |
-
Carla Goyanes, convocada para participar na proba das Series Mundiais de Augas Abertas de Abu Dhabi
Por Redacción |
-
Recoñecemento á pontevedresa Carla Goyanes na Gala da Natación Española
Por Redacción |
-
A final da Copa de España de Augas Abertas agarda á pontevedresa Carla Goyanes
Por Redacción |
-
Carla Goyanes ou a ilusión de competir nun Mundial
Por Diego Espiño |
-
Carla Goyanes, subcampioa de Europa junior en natación en augas abertas
Por Redacción |
-
Carla Goyanes proclámase subcampioa nacional junior de augas abertas
Por Redacción |