Proba esixente para o Pontevedra no seu primeiro partido na casa da tempada
Por Diego Espiño
O Estadio Municipal de Pasarón será escenario este domingo (19:00 horas) do seu primeiro encontro da tempada na segunda xornada de liga da Segunda División B, nun choque no que o Pontevedra enfrontarase a un dos máximos candidatos ao ascenso, a Cultural Leonesa.
Os granates, tras o seu mal inicio de competición en Salamanca, buscan redimirse ante a súa afección e lograr un triunfo que sirva ademais como unha boa dose de moral.
"Además de hacer bien las cosas tienes que tener un nivel de concentración, de estar dentro del partido, del 200% porque sabes que en cualquier acción se puede desiquilibrar el partido", asegurou esta semana Luismi ante a calidade do plantel leonés.
Ante iso, o técnico pontevedrés cre que a receita para tentar levar os tres puntos será "sobre todo correr y hacerles un partido incómodo".
Pibe será a única ausencia por lesión no Pontevedra, pero Luismi recupera para a causa a Javi López cumprido un encontro de sanción, polo que se fan necesarios varios descartes.
Na Cultural pola súa banda, que na primeira xornada de liga goleou o Rápido de Bouzas (4-0), as últimas horas deixaron varios movementos na confección do seu plantel, con varias saídas de homes que non contaban para o adestrador, Víctor Cea.
O colexiado do encontro será Carlos Fernández Buergo, da delegación territorial asturiana.
Relacionadas:
-
Álex González fai estalar Pasarón no desconto para derrotar á Cultural Leonesa (2-1)
Por Diego Espiño & Diego Torrado |
-
Deslucida presentación da nova camiseta do Pontevedra
Por Diego Espiño |
-
Luismi márcase como obxectivo "intentar hacer de Pasarón un fortín"
Por Diego Espiño |
-
Unionistas amarga o debut dun gris Pontevedra (1-0)
Por Redacción |