O baloncesto súmase á oferta das escolas deportivas de Poio
Por Redacción
As escolas deportivas municipais de Poio queren aumentar a súa oferta para o curso escolar que está próximo a comezar, e fixaron o seu obxectivo na modalidade de baloncesto.
Este deporte sumará a modalidade número 22 dentro da oferta formativa municipal a nivel deportivo.
Antes de todo iso, e coa idea de promocionar o baloncesto entre os nenos e nenas do municipio, organizarase en colaboración do Club Boa Vila Basket o primeiro campus 'Ludobasket'.
A actividade desenvolverase desde o luns 3 de setembro ata o venres día 7 no pavillón de Lourido en horario de 9:30 a 13:30 horas, dirixido a nenas e nenos de 5 a 14 anos.
Os interesados poden anotarse no correo electrónico info@boavilabasket.com cun prezo de 30 euros para os nenos empadroados en Poio e de 50 euros para os non empadroados.