Támara Echegoyen pecha a súa participación no Mundial de vela no vixesimoterceiro posto
Por Redacción
O Campionato do Mundo de Vela chegou ao seu fin este xoves para Támara Echegoyen, que regresaba en Aarhus (Dinamarca) á vela olímpica estreado equipo coa balear Paula Barceló.
A regatista pontevedresa e a súa compañeira finalizaron no posto 23 da xeral da clase 49 erFX, mantendo un rendimento similar ao longo da competición mundialista.
Aínda que estiveron lonxe dos primeiros postos, contan aínda con moita marxe de mellora no seu obxectivo de chegar aos Xogos Olímpicos de Tokyo en 2020.
O que aínda segue en competición e con opcións de meterse na Medal Race é Fernando Echávarri no Nacra 17, clase na que compite xunto á canaria Tara Pacheco.
Despois do primeiro día de competición nas series finais ocupan o posto 13 da clasificación xeral, a falta das tres mangas previstas do venres que decidirán os equipos que pasarán á loita polas medallas. A meta de Echávarri e Pacheco pasa por asegurar a clasificación de España para Tokio 2020, o que supoñería quedar entre as oito mellores nacións ao termo do Mundial.
Relacionadas:
-
Támara Echegoyen encara o Mundial de Nova Zelandia, penúltima oportunidade para clasificarse para os Xogos
Por Redacción |
-
Támara Echegoyen e o Mapfre reciben o Premio Nacional de Vela
Por Redacción |
-
Echávarri e Pacheco avanzan á fase final do Mundial na décima posición
Por Redacción |
-
Támara Echegoyen e Fernando Echávarri, a dar o primeiro paso cara a Tokyo 2020
Por Redacción |
-
Támara Echegoyen fai historia co equipo español, segundo na Volvo Ocean Race
Por Alejandro Espiño |