Romay ve neste Pontevedra "un equipo para ser ambiciosos"
Por Diego Espiño
Despois dun inicio de pretempada complicado a nivel persoal, debido a un golpe nun dedo do pé e a molestias físicas, Romay vai aos poucos collendo ritmo e axustándose ao esquema do equipo e ao que espera Luismi e o Pontevedra del.
O centrocampista coruñés enfrontarase este venres (20:30 horas, Pasarón) ao seu ex-equipo, o Fabril, nun amigable que cualifica de "partido de un nivel alto".
"Ya estoy mejor y esperemos poder estar al mejor nivel antes de empezar la temporada", recoñece o futbolista, quen pide prudencia á hora de valorar as sensacións positivas dos primeiros amigables.
"A lo mejor parece que estamos ganando y a veces incluso con facilidad pero eso puede perjudicar. No nos podemos relajar porque están saliendo las cosas bien, y eso es bueno, pero lo importante al final es la liga", defende.
O que non esconde Romay é o nivel que espera este ano na competición, con clubs que "se están reforzando muy bien" e que "parece que están invirtiendo dinero". A pesar diso cre que o Pontevedra ten "un equipo bonito" e aínda que "falta una incorporación como todo el mundo dice pero creo que tenemos un equipo para ser ambiciosos".
ÁLEX GONZÁLEZ SEGUE Á MARXE
A principal ausencia no Pontevedra no choque deste venres ante o filial deportivista será de novo Álex González, con molestias musculares. Aínda que xa máis preto de estar recuperado "hasta que no sienta nada no vamos a dejar que participe", confirmou Luismi, que non quere correr riscos cun dos homes que foi máis decisivo no tramo final do pasado curso.
Tamén Pacheco traballa a menor ritmo estes días, mentres que os canteiráns Iñaki e Antón volveron á dinámica de grupo.
ANTE O FABRIL, DE 8 A 15 EUROS
En relación ao segundo e, polo momento, último choque de pretempada que se disputará no Estadio Municipal de Pasarón, o Pontevedra fixou un prezo de entradas de 15 euros en Tribuna, 10 euros en Preferencia e 8 euros nos fondos (5 euros xuvenil e 3 infantil), os mesmos que no Trofeo Luís Otero.
Ademais, aínda que a través das redes sociais o club granate informou de que o acceso sería gratuíto para os socios, só será así para os que pagasen o sumplemento establecido na campaña de abonados.
Relacionadas:
-
Mikel Arruabarrena é o dianteiro elixido polo Pontevedra para pechar o seu plantel
Por Diego Espiño |
-
Recital de Romay, autor de catro goles no triunfo granate sobre o Juvenil de Ponteareas (1-6)
Por Redacción |
-
Vitoria pola mínima do Pontevedra ante o Fabril nun amigable sen pena nin gloria
Por Diego Espiño & Paula Sanmartín |
-
Empate sen goles para o Pontevedra ante o Arenteiro de Terceira División
Por Redacción |
-
A pretempada do Pontevedra gaña en intensidade
Por Redacción |
-
Contundente e convincente triunfo do Pontevedra sobre o Compostela (0-3)
Por Ramiro Espiño |
-
O traballo defensivo gaña protagonismo na pretempada granate
Por Diego Espiño |