Empate sen goles para o Pontevedra ante o Arenteiro de Terceira División
Por Redacción
O Pontevedra Club de Fútbol tomou parte este mércores no Trofeo do Pulpo no Carballiño, unha nova cita amigable na que o rival era un equipo de Terceira División como o Arenteiro.
Aínda que non conseguiron superar ao seu adversario no marcador, despois de empatar sen goles os granates manteñen a súa imbatibilidade durante a pretempada.
Luismi aproveitou a cita para seguir incidindo no visto en anteriores encontros, pensando ademais en repartir esforzos nunha semana con ata tres compromisos amigables.
Así o Pontevedra formou con Edu en portería, Juan Barbeito, Churre, Campillo e Nacho Lorenzo en defensa, Álex Fernández, Jesús Barbeito, Mouriño, Pibe, Berrocal e Rivera.
Tras non moverse o marcador, o trofeo levárono os granates na quenda de penaltis.
Tras enfrontarse ao Arenteiro, o seguinte choque de preparación terá lugar este venres (20:30 horas) ante o Fabril, proba máis esixente ao tratarse dun rival da mesma categoría. Un día despois, o sábado 11, o duelo programado medirá aos de Luismi co Juvenil de Ponteareas a domicilio (20:00 horas).
Relacionadas:
-
Mikel Arruabarrena é o dianteiro elixido polo Pontevedra para pechar o seu plantel
Por Diego Espiño |
-
Recital de Romay, autor de catro goles no triunfo granate sobre o Juvenil de Ponteareas (1-6)
Por Redacción |
-
Vitoria pola mínima do Pontevedra ante o Fabril nun amigable sen pena nin gloria
Por Diego Espiño & Paula Sanmartín |
-
Romay ve neste Pontevedra "un equipo para ser ambiciosos"
Por Diego Espiño |
-
A pretempada do Pontevedra gaña en intensidade
Por Redacción |
-
Contundente e convincente triunfo do Pontevedra sobre o Compostela (0-3)
Por Ramiro Espiño |
-
O traballo defensivo gaña protagonismo na pretempada granate
Por Diego Espiño |
-
O triangular do Carneiro ao Espeto, para o Pontevedra
Por Ramiro Espiño & Diego Torrado |