Óscar Brea leva a Volta a León
Por Redacción
De principio a fin dominou o Grupo Deportivo Supermercados Froiz e o seu ciclista Óscar Brea a Volta a León, que finalizou este sábado despois de cinco xornadas de competición.
O corredor da escuadra alimenticia colleu o liderado na etapa prólogo, nunha crono de só 3 quilómetros, e non soltou a camisola amarela ata o final confirmándose como o home máis forte da proba.
Na segunda xornada entraría en meta segundo, e despois chegarían dous triunfos de etapa para engrosar o botín e confirmar o seu liderado.
Con respecto ao último día de volta, o Froiz controlou a etapa ata os dous quilómetros finais, cando saltou do pelotón Jaume Sureda (Caja Rural) para levar a vitoria parcial.
Brea avantaxou na xeral en 26 segundos a Anatoli Budiak ( ULB) e en 58 segundos a Nicolás Sainz (Lizarte). Ademais levou tamén o primeiro posto da clasificación da montaña, da combinada e da regularidade.
Relacionadas:
-
Unha escapada dá a Óscar Brea o triunfo na Volta a Cantabria
Por Redacción |
-
O Froiz, a consolidar o seu liderado no ránking nacional na Volta a Cantabria
Por Redacción |
-
Tripla vitoria para o Froiz no Díptico de Vigo
Por Redacción |
-
O Froiz retoma a competición en Asturias
Por Redacción |
-
O Froiz afronta unha esixente Volta a León
Por Redacción |
-
Dobre podio para o Froiz no Campionato Galego Contrarreloxo por equipos
Por Redacción |