Brillante dobrete de Gómez Noya e Pablo Dapena no Challenge Praga
![Diego](/web/cache/scene/uploads/xornalistas/foto/5df/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/570532d2ea-20160329-patxot-diego-espino-1009.jpg)
Por Diego Espiño
![](/web/cache/scene/uploads/fotos/foto/470/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/5b5c7a210d-gomez-noya-praga.jpg)
© Challenge
![](/web/cache/scene/uploads/fotos/foto/c70/_S7QytKoutjK3UsovKMnMzytWsi62MjK0UipKLc6sStUxMjDQSU_/_7NK0kt0inJL1CyrgUA_/5b5c7a5c34-djmipv-w4aeim4z.jpg)
© Challenge
Partían entre os máximos favoritos á vitoria e non defraudaron a pesar do alto nivel competitivo entre os inscritos.
Javier Gómez Noya e Pablo Dapena foron os grandes protagonistas este sábado no Challenge Praga, disputado na capital checa e no que se fixeron co primeiro e segundo posto respectivamente.
Estreaba Dapena a súa condición de campión do Mundo, e facíao medíndose ao seu amigo e compañeiro de adestramentos, un Gómez Noya que nos últimos anos móstrase intratable na media distancia.
Nese formato competíase en Praga, con 1.900 metros de natación, 90 quilómetros de ciclismo e 21 quilómetros de carreira a pé.
Os dous galegos destacáronse xuntos na cabeza na natación, con Pieter Heemeryck terceiro e un corte por detrás sobre o cuarto que xa non se reduciría. O belga sería o principal rival durante a proba, non en balde foi recortando tempo ata tomar a dianteira no final sector ciclista, aínda que coa armada pontevedresa pegada ás súas costas.
Así se chegaría á última transición, tras a cal rapidamente Gómez Noya asumiría o liderado cun ritmo de carreira inalcanzable para os seus rivais. Algo máis levoulle a Dapena facerse co segundo posto, recuperando uns segundos de desvantaxe para superar a Heemeryck a falta de 11 quilómetros para a meta e despois controlar a distancia e asegurar a medalla de prata.
Ao final Javier Gómez Noya chegaría a meta cun tempo de 3 horas, 44 minutos e 40 segundos. Tras el chegaría distanciado Dapena a case 6 minutos e terceiro aguantou Pieter Heemeryck pechando o podio de honra.