Sumar o seu cuarto título Mundial, próximo obxectivo dun incansable Óscar Graña
Por Diego Espiño
Novo compañeiro, pero mesmos costumes para Óscar Graña, que non se cansa de subir ao podio en probas internacionais de piragüismo maratón. A última medalla, o ouro europeo que logrou na cidade croata de Metković na modalidade de C-2.
O piragüista pontevedrés, aos seus 42 anos, conseguiu xunto ao vilagarcián Diego Romero a que é a súa 22ª medalla internacional e cuarto título continental, pero non se conforma con iso e xa pensa en novos obxectivos mentres segue gozando da súa paixón.
Graña, que este mércores recibiu o recoñecemento unánime da corporación municipal de Pontevedra, centra agora as súas miras no Campionato do Mundo de Maratón que se disputará do 6 ao 9 de setembro en Prado Vila Verde, Portugal.
"Nos vamos a pelear con la misma gente que en el Europeo", asegura, polo que se ve con opcións de loitar polo que sería o seu cuarto ouro mundial, aínda que "habrá que ver cómo van las circunstancias de la regata", explica.
Agora nas filas do Breogán do Grove, Óscar Graña eloxia ao que desde esta tempada é o seu compañeiro no C-2, Diego Romero, que achega "ese punto de velocidad que yo no tengo" e que se adaptou á perfección á longa distancia.
Por iso, e aínda que "llevo así seis años", pensando no final da súa carreira deportiva, non quere de momento plantexalo. "Con Diego tenemos compromiso hasta septiembre y después habrá que sentarse a ver qué pasa". Seguro que aínda hai Óscar Graña para tempo.
Relacionadas:
-
Histórico triunfo de Óscar Graña: logra o seu cuarto título mundial de piragüismo maratón
Por Alejandro Espiño |
-
O piragüismo maratón pontevedrés, a pola gloria no Mundial de Portugal
Por Redacción |
-
O piragüismo pontevedrés, protagonista no Nacional de maratón
Por Redacción |
-
Náutico Pontecesures e Ciudad de Pontevedra repártense os títulos autonómicos de piragüismo
Por Redacción |
-
Óscar Graña agranda a súa lenda: é o novo campión de Europa de piragüismo maratón en C2
Por Alejandro Espiño |
-
O Breogán do Grove, protagonista da Copa de España de maratón disputada en Pontevedra
Por Diego Torrado & Oskar Viéitez |
-
Óscar Graña será distinguido polo Consello Superior de Deportes polos seus "valores humanos"
Por Redacción |