O Peixe Galego confirma a continuidade de Jorge Romero e avanza na composición do equipo
Por Redacción
Unha vez confirmado como equipo de LEB Prata ao contar con todos os avais e inscrición aceptados pola Federación, o club marinense avanza no seu novo proxecto deportivo.
Cinco son xa os xogadores confirmados para a próxima tempada na categoría de bronce do baloncesto nacional, despois de que este domingo o club marinense fixese público o acordo de continuidade de Jorge Romero.
O escolta, peza clave do equipo o último ano na liga EBA para conseguir o ascenso de categoría, afrontará así o seu terceiro ano en Marín, onde chegou en LEB Ouro continuando na Raña a pesar da complicada situación que se viviu o pasado verán. Romero alcanzou esta campaña 14,7 puntos por partido.
Con el Javi Llorente asegúrase liderado no novo plantel, na que xa figuran Gerard Sevillano, que regresa ao club superada unha lesión, Pablo González, Víctor Holmberg e Jacobo de Benito.
AMPLIACIÓN DA LEB PRATA
O Peixe Galego xa coñece que equipos serán os seus rivais a próxima tempada, unha vez confirmadas as inscricións por parte da Federación Española de Baloncesto tras unha reestruturación da LEB Prata, que pasa a ter 24 equipos repartidos en dous grupos de 12 na súa primeira fase.
Nese primeiro momento do curso, o equipo marinense estará encadrado no Grupo Oeste xunto a: Fundación 5+11, Iraurgi SB, Óbila Basket, CB Ambroz, CB Clabijo, Basket Navarra, Club Baloncesto Zamora, Zornotza Saskibaloi, CD Estela, CB Tormes e Gijón Baloncesto.
Relacionadas:
-
Antonio Pantín, máis madeira para o Peixe Galego
Por Redacción |
-
Cuco Rodríguez, experiencia ACB para o Peixe Galego
Por Redacción |
-
O Peixe Galego pide aos seus afeccionados que 'non fagan o sueco' na súa nova campaña de abonados
Por Redacción |
-
O Club Peixe Galego dará o pregón das Festas do Carme de Marín
Por Redacción |
-
Segundo movemento do Peixe Galego, que renova a Jacobo de Benito
Por Redacción |
-
A volta do Peixe Galego á LEB Prata trae consigo unha ampliación da categoría
Por Redacción |
-
O Peixe Galego recupera o seu lugar na Liga LEB Prata
Por Diego Espiño & Diego Torrado |