Adrián León súmase á lista de renovados no Pontevedra
Por Diego Espiño
Despois dun tira e afrouxa que se prolongou un par de semanas, o Pontevedra confirmou este sábado a continuidade no equipo de Adrián León para a próxima tempada.
O futbolista cántabro aceptou finalmente a proposta de renovación do club e afrontará o seu segundo curso en Pasarón.
Na liga recentemente finalizada León participou en 32 encontros de liga, 30 deles como titular, sendo un fixo tanto para Luisito como para Luismi facendo gala dunha polivalencia que lle valeu a oferta da entidade granate, non en balde participou tanto de central como de centrocampista.
Coa súa renovación pasan a ser nove os futbolistas con contrato en vigor co Pontevedra, xunto a Mouriño, Álex González, Edu, Álex Fernández, David Castro, Berrocal, Nacho López e Darío Flores.
Nos próximos días o Consello de Administración espera ademais pechar as negociacións, para ben ou para mal, co resto de xogadores aos que lle presentou unha oferta para seguir vestindo de granate, como son David Goldar, Éder Díez, Anxo, Kevin e Jimmy.
Relacionadas:
-
Goldar ficha polo Cornellá e tampouco estará nunha presentación granate que anuncia sorpresas
Por Ramiro Espiño |
-
Eder Díez e Fernando Lezcano, dúas novas baixas no Pontevedra
Por Alejandro Espiño |
-
Anxo ficha polo Compostela tras rexeitar a oferta de renovación do Pontevedra
Por Redacción |
-
Javi Pazos e Campillo, moi preto do Pontevedra
Por Alejandro Espiño |
-
Sporting de Gijón e Pontevedra, rivais nun amigable que se xogará en xullo en Avilés
Por Alejandro Espiño |
-
Álex González acepta a oferta de renovación do Pontevedra
Por Diego Espiño |
-
Semana para pechar as renovacións pendentes
Por Diego Espiño |
-
Primeiras renovacións en bloque no Pontevedra: Edu, Mouriño, Álex Fernández e David Castro
Por Diego Espiño |