O Torneo Internacional Benxamín de Fútbol-7 recupera A Xunqueira como sede na súa XX edición
Por Diego Espiño
A emoción e a ilusión do mellor fútbol base volve esta fin de semana aos campos da Xunqueira coa XX edición do Torneo Internacional Cidade de Pontevedra de Fútbol-7 Benxamín.
Tras un ano en Monte Porreiro, a fase final do torneo organizado pola EF Portero 2000 regresa ás súas orixes cunha competición que se desenvolverá o sábado 9 e o domingo 10 de xuño.
Jonny, futbolista do Real Club Celta de Vigo, exerceu esta vez de padriño dun evento "que te queda marcado", sinalou en relación a este tipo de competicións nas que el participaba de pequeno e na que "lo que más puedes hacer es disfrutar", explicou aos novos futbolistas do club anfitrión presentes no acto de presentación.
O actual campión, o Benfica, defenderá o título ante equipos da talla de Sporting de Portugal, Sevilla, Athletic Club, Real Sociedad, Real Sporting de Xixón, RC Celta ou RC Deportivo, entre outros. Ademais desde a previa chegan o AD Sagrado, AJ Lérez, Arosa SC, SD Cristo Victoria, ED Val Miñor, Victoria CF e EFB A Estrada, completando o cartel a EF Portero 2000.
Os grupos de competición para a fase final do Torneo Cidade de Pontevedra quedaron configurados da seguinte maneira:
- Grupo A: Sevilla FC, Athletic Club, EF Portero 2000, AD Sagrado.
- Grupo B: SL Benfica, Real Sociedad, SD Cristo Victoria, Arosa SC.
- Grupo C: RC Celta, Real Sporting de Gijón, Victoria CF, EFB A Estrada.
- Grupo D: RC Deportivo, SC Portugal, AJ Lérez, ED Val Miñor.
Relacionadas:
-
O Sevilla, campión do XX Torneo Internacional de Fútbol-7 Benxamín ao gañar ao Benfica
Por Ramiro Espiño & Diego Torrado |
-
Sevilla, Deportivo, Celta e Benfica ás semifinais do XX Torneo Internacional de Fútbol-7 Benxamín
Por Ramiro Espiño & Diego Torrado |
-
Suspendidos os partidos do torneo de futbol benxamín de Monte Porreiro
Por Diego Torrado & Ramiro Espiño |
-
Benfica supera o Celta nos penaltis e leva o "XIX Torneo Internacional de Fútbol-7 Benxamín"
Por Ramiro Espiño & Diego Torrado |