Luismi, renovado como adestrador do Pontevedra
Por Diego Espiño
A próxima tempada Luís Miguel Areda 'Luismi' seguirá sendo adestrador do primeiro plantel do Pontevedra Club de Fútbol.
Despois de 18 días de calma e ferrollo informativo, sen apenas novidades no que respecta ao novo proxecto deportivo, o club granate confirmou este xoves oficialmente a renovación do técnico.
Luismi gañou a oportunidade de afrontar a súa primeira campaña completa na Segunda División B, despois de subir ao primeiro equipo desde o xuvenil mediada a tempada, tras lograr a permanencia na última xornada de liga, ademais do título de campión de Copa Federación.
Este é o primeiro e ineludible paso no novo proxecto deportivo. O seguinte serán as renovacións dos futbolistas que interesa que continúen en nómina, para o que se contará coa opinión do adestrador.
Xunto a Luismi, seguirán tamén no corpo técnico Jesús Ramos e Miguel Arcos, como segundo adestrador e preparador físico respectivamente. De feito, para descargar traballo ao segundo preparador, que esta campaña era un dos responsables das categorías inferiores, a intención é incorporar ao club un novo coordinador para a base.
Relacionadas:
-
Luismi, tras renovar co Pontevedra: "Vamos a intentar soñar e ilusionarnos para estar lo más arriba posible"
Por Diego Espiño |
-
Roberto Feáns: "Me veo con todas las fuerzas del mundo y estoy muy seguro de lo que hago"
Por Diego Espiño & Mónica Patxot |
-
Lupe Murillo pide paciencia coa planificación do equipo: "Precipitarse tampoco es bueno"
Por Diego Espiño |
-
Traballo na sombra e ferrollo informativo cos primeiros movementos do Pontevedra
Por Diego Espiño |