Rafa Sáez toma as rendas do Arosa
Por Redacción
Rafa Sáez volve ao Arosa 30 anos despois da súa etapa como xogador na Lomba, e faino para tomar as rendas do novo proxecto arlequinado na Terceira División.
O técnico pontevedrés é o elixido para substituír a Jorge Otero, tras a súa saída do club para fichar polo Rápido de Bouzas.
Sáez, que os últimos anos adestrou ao Coruxo na Segunda División B e antes a equipos como o Pontevedra, Celta B ou Logroñés, baixa agora un banzo ata o Terceira pero coa ambición de tentar devolver aos de Vilagarcía aos postos de honra da categoría, os que lle permitirían pelexar por volver á categoría de bronce do fútbol nacional.
O entendemento entre o novo adestrador e o presidente do club, Manuel Abalo, foi total desde os primeiros contactos, polo que tras a presentación oficial deste xoves na Lomba poñeranse ao choio para tentar confeccionar un plantel de garantías.
Relacionadas:
-
Dobre presentación nun Arosa que avanza no seu novo proxecto deportivo
Por Redacción |
-
Miras altas nun Arosa que inicia unha profunda renovación
Por Redacción |
-
Continuidade para o novo proxecto do Ribadumia
Por Redacción |
-
O Arosa queda ás portas do playoff de ascenso e o Céltiga seguirá na Terceira
Por Redacción |