A Copa de España de Xóvenes Promesas de Piragüismo queda na casa
Por Redacción
A pista de piragüismo David Cal no encoro de Pontillón do Castro, en Verducido, foi escenario durante a xornada do sábado da Copa de España de Xóvenes Promesas, na que o gran dominador foi un dos clubs locais.
A EP Ciudad de Pontevedra levou o triunfo por equipo ao sumar 527 puntos, superando ao Náutico de Sevilla (303 puntos) e ao Club Escuela de Piragüismo Aranjuez (285 puntos), e colócase segundo na Liga Nacional.
Na competición, de categoría cadete e baixo a distancia de 1.000 metros, o club pontevedrés sumou seis medallas, das dúas foron de ouro, tres de prata e unha de bronce.
Na final de C-2 os dous barcos da EP Ciudad de Pontevedra formados por Ángela Jorge e Nuria Rodiño e Antía Otero xunto a Lucía Pérez conquistaron a primeira e segunda posición. Ademais Antía Otero levou o ouro en cadete B, con Ángela Jorge na segunda posición.
Alejandra Manso conseguiu a outra medalla de prata no K-1, mentres que Martín Jácome pola súa banda foi terceiro no C-1, modalidade na que se impuxo Ángel Fuego (Piragüismo Poio).
A próxima competición da Liga de Xóvenes Promesas celebrarase en Villalcampo (Zamora) o próximo 30 de xuño, cunha regata de categoría infantil sobre a distancia de 3000 metros.
Consulta aquí as clasificacións da Copa de España de Xóvenes Promesas disputada en Verducido.
Relacionadas:
-
Antía Otero, ilusionada e "un poco nerviosa" ante o reto dos Xogos Olímpicos da Mocidade
Por Diego Espiño |
-
Segundo posto para o Ciudad de Pontevedra no Nacional de Piragüismo de Ríos e Travesías
Por Redacción |
-
Ampla representación pontevedresa no Europeo de piragüismo en Belgrado
Por Redacción |
-
As promesas do piragüismo nacional, a escena en Verducido
Por Redacción & Paula Sanmartín |
-
O Club Piragüismo Verducido celebra os seus 10 anos de vida
Por Redacción |
-
A EP Ciudad de Pontevedra, segunda no medalleiro do Nacional de Novas Promesas
Por Redacción |