Adrián Sieiro e Sergio Vallejo fanse coa praza para o Europeo de Belgrado
Por Redacción
O Piragüismo Poio Pescamar estará representado na próximas grandes citas do calendario internacional grazas a Adrián Sieiro e Sergio Vallego.
A parella pontevedresa impúxose este xoves no control selectivo de C-2 1.000 metros celebrado organizado pola Real Federación Española de Piragüismo no encoro asturiano de Trasona.
Esta vitoria suponlles gañar unha praza no equipo nacional para a Copa do Mundo de Szeged (Hungría) e, sobre todo, para o Campionato de Europa de Belgrado (Serbia) que se celebrará entre os días 8 e 10 de xuño, no que buscarán mellorar a sétima posición do ano anterior.
Vallejo e Sieiro conseguían a vitoria cun tempo de 3 minutos 42 segundos e 504 milésimas, tras unha dura pugna coa embarcación formada por Noel Domínguez (Breogán do Grove) e David Fernández (Gorilas de Candás) que cruzaba a liña de chegada a tan só 604 milésimas. Un pouco máis atrasada chegaría a canoa de Sete Benavides e Antoni Segura.
O control selectivo de piragüismo en Trasona prolongarase ata este venres poñendo en xogo ademais prazas mundialistas e europeas para as categorías sub-23 e xuvenil.
Relacionadas:
-
O piragüismo pontevedrés mira cara a Hungría
Por Redacción |
-
A EP Ciudad de Pontevedra, segunda no medalleiro do Nacional de Novas Promesas
Por Redacción |
-
Dominio local no Galego de Novas Promesas celebrado no Lérez
Por Redacción |
-
A piragüista pontevedresa Antía Otero, clasificada para os Xogos Olímpicos da Mocidade
Por Redacción |