Melania Rodríguez revalida en Bakú o seu título europeo de ximnasia trampolín
Por Diego Espiño
A súa empeza a ser unha colección de medallas digna de admiración. A pontevedresa Melania Rodríguez regresou do Campionato de Europa de Ximnasia Trampolín con dous metais ao pescozo e confirmada como unha das mellores ximnastas internacionais nesta especialidade.
A deportista do Club Ximnasia Pontevedra proclamouse en Bakú, Acerbaixán, por segunda vez consecutiva campioa europea júnior na modalidade de Dobre Minitramp.
Melania completou un gran concurso para finalizar con 70.000 puntos, seguida da rusa Aleksandra Bonartseva con 69.800 puntos e da portuguesa Sara Guido con 66.200 puntos, repetindo así a medalla de ouro conseguida en 2016 en Valladolid.
Por se non fose pouco a pontevedresa, que tamén conta no seu palmarés cun ouro mundial, fíxose coa medalla de bronce na competición por equipos de Dobre Minitramp, e foi sexta na modalidade de Trampolín Sincro xunto a Marina Chavarria tras sumar 35.200 puntos.
A competición europea redondeouse para o Club Ximnasia Pontevedra - Burgas Ourense coa medalla de bronce conseguida polo equipo nacional sénior de Dobre Minitramp, no que participaron Álex Cid, Alejandro Bernárdez e Daniel Pérez.
Relacionadas:
-
As esperanzas olímpicas de Melania Rodríguez, en xogo no Mundial de ximnasia trampolín
Por Diego Espiño |
-
Melania Rodríguez e Álex Bernárdez aspiran a medalla no Mundial de Ximnasia Trampolín
Por Diego Espiño |
-
O Concello de Pontevedra ou a ximnasta Melania Rodríguez, entre os galardoados na Gala do Deporte Feminino
Por Redacción |
-
Melania Rodríguez proclámase en Bulgaria campioa do mundo de ximnasia trampolín
Por Diego Espiño |
-
Melania Rodríguez proclamouse en Valladolid campioa de Europa junior de ximnasia trampolín
Por Diego Espiño |