O futuro da portería do Pontevedra está nas súas mans
Por Diego Espiño
Leva defendendo a camiseta do Pontevedra Club de Fútbol desde o primeiro ano da categoría infantil. Pasou ademais polo cadete de División de Honra e a pesar de contar aínda con só 16 anos é xa un habitual no xuvenil de División de Honra, unha precocidade que unida ao seu extraordinario rendemento chamou a atención dos técnicos da Real Federación Española de Fútbol.
Jorge Carrillo (Poio, 2002) aínda se declara "un poco en estado de shock" pola súa convocatoria coa Selección Española Sub-16, para unhas xornadas de adestramento que se celebrarán en Las Rozas do 9 ao 11 de abril e nas que compartirá vestiario con algunhas das grandes promesas do fútbol nacional.
El xa é unha das perlas da casa granate, na que espera seguir crecendo cun ollo posto na portería do Estadio Municipal de Pasarón. Aínda que di que "no me planteé eso aún", a receita para chegar ao primeiro equipo tena máis que clara, "siempre ir con humildad y mucho respeto".
O xoven gardameta asegura que "no me esperaba para nada esta noticia", pero agora móstrase convencido de "intentar aprovecharlo con mucha ilusión y muchas ganas".
Jorge Carrillo: "La verdad es que me gusta mucho Ter Stegen, me parece de los más completos hoy en día"
Chegou ao fútbol case de rebote. "No me gustaba, yo iba a judo", recoñece, pero o seu cumán animoulle a probar como porteiro e "al final me acabó gustando mucho", explica con timidez e agradecendo o apoio de familia, amigos e compañeiros no equipo xuvenil do Pontevedra, onde a pesar de ser o máis pequeno do plantel acolléronlle "súper bien". Tamén ten palabras para o actual adestrador do primeiro equipo granate Luismi, con quen coincidiu esta tempada e do que revela "me marcó mucho porque me gusta mucho su manera de entender el fútbol".
Un espello no que mirarse? "La verdad es que me gusta mucho Ter Stegen, me parece de los más completos hoy en día", explica Jorge Carrillo sobre o porteiro alemán do Fútbol Club Barcelona, palabras maiores para un xogador que aos seus 16 anos só quere gozar da súa paixón e soñar con chegar lonxe, e se é vestido de granate moito mellor.
Relacionadas:
-
Coke Carrillo, ante un gran reto no xuvenil A do Barcelona
Por Diego Espiño |
-
Coke Carrillo debuta coa Selección Española Sub-18 cun empate ante Romanía (2-2)
Por Redacción |
-
Coke Carrillo dá o salto á Selección Española Sub-18
Por Diego Espiño |
-
O Pontevedra fai oficial o traspaso do canteirán Jorge Carrillo ao Barcelona
Por Diego Espiño |
-
O Barcelona negocia a incorporación do canteirán do Pontevedra Jorge Carrillo
Por Diego Espiño |
-
Fóra da casa, herba sintética, horario matinal... "ahora ya no hay excusas" para o Pontevedra
Por Diego Espiño |
-
Jimmy e o seu calvario coas lesións
Por Diego Espiño |
-
Álex González pon en vantaxe o Pontevedra na final da Copa Federación (0-1)
Por Redacción |
-
O porteiro do Pontevedra Jorge Carrillo, convocado pola Selección Española Sub-16
Por Redacción |