José Venancio desvela a convocatoria da Selección Española de fútbol sala que xogará en Pontevedra
Por Redacción
Xa se coñece o equipo que defenderá a camiseta de España no encontro amigable que xogará o vindeiro luns 2 de abril en Pontevedra.
O seleccionador nacional absoluto de fútbol sala, José Venancio, desvelou este luns a convocatoria oficial para a concentración que se desenvolverá en Galicia, a primeira cita desde o recente campionato de Europa no conseguiron a medalla de prata.
Os xogadores están chamados a concentrarse o domingo 1 de abril no Hotel Galicia Palace de Pontevedra, onde o luns xogarán o primeiro dos partidos previstos ante Finlandia (19:30 horas) no Pavillón Municipal dos Deportes. O segundo xogarase o 3 de abril en Ferrol ante o mesmo rival.
Na lista non figura o vigués Pola, entre outros, mentres que as principais novidades son as do gardameta Dídac Plana (Jaén), os alas Adri Ortego (Zaragoza) e Eric Martel (Osasuna) e o ala-pívot Javier García Chino (Jaén).
A convocatoria complétana Barrón (Palma) en portería, os peches Marc Tolra (Barcelona), David García (Ribera Navarra) e Lolo (Palma), os alas Dani Saldise (Osasuna), Andresito (Pozo Murcia) e Adri (O Parrulo Ferrol), o ala-pívot Raúl Campos (Benfica) e os pívots Álex (Pozo Murcia) e Solano (Inter Movistar).
Relacionadas:
-
José Venancio: "La organización, el público y el ambiente ha sido fantástico"
Por Diego Espiño |
-
Triunfo da Selección Española de fútbol sala ante Finlandia nun Municipal vestido de gala (3-1)
Por Diego Espiño & Mónica Patxot |
-
A Selección Española de fútbol sala faise notar en Pontevedra
Por Redacción & Diego Torrado |
-
O PP alerta da "bochornosa imaxe" que dá Pontevedra ao non ter bar no pavillón municipal
Por Redacción |
-
Portas abertas no Municipal para os adestramentos da Selección Española de fútbol sala
Por Diego Espiño |
-
As entradas para o España-Finlandia de fútbol sala, a 10 euros na venda anticipada
Por Redacción |
-
A Selección Española de fútbol sala xogará en Pontevedra o 2 de abril ante Finlandia
Por Redacción |