A Europa Cup de waterpolo levanta o pano e completa as súas semifinais
Por Redacción
A piscina olímpica do Complexo Deportivo Rías do Sur respira waterpolo polos catro custados coa celebración da fase final da Europa Cup.
A primeira xornada da competición continental iniciouse cos adestramentos dos equipos nacionais participantes, e concluíu coa disputa dos cuartos de final.
As primeiras en saír a escena foron as seleccións nacionais de Holanda e Italia, nun partido no que o conxunto italiano comezou mandando no primeiro cuarto pero no que Holanda terminou cumprindo os prognósticos para impoñerse por 8 goles a 6.
Despois chegaba a quenda dos equipos de Hungría e Rusia, nun duelo no que as rusas mandaron no marcador desde o inicio do primeiro cuarto a pesar da aparente igualdade no xogo. Así foron abrindo oco para marcharse ao descanso 2-6 arriba, e aínda que Hungría tratou de reaccionar non conseguiu culminar a remontada nos minutos finais cedendo por 9-11.
Desta forma quedaron conformadas as semifinais do torneo, a disputar este venres 23 e nas que entrarán como cabezas de serie España e Grecia. A entrada en competición das actuais subcampioas do Mundo augura ademais un gran ambiente nas bancadas da piscina olímpica.
A xornada do venres, con entrada de balde para o público ata completar aforamento, iniciarase ás 17:00 horas co choque polo 5º e 6º posto, para dar paso despois ás semifinais. A primeira enfrontará a Grecia e Holanda (18:45 horas) e a segunda a España con Rusia (20:30 horas).
En xogo estará o pase á final da competición prevista para o sábado ás 14:00 horas e que decidirá que país estrea o palmarés da Europa Cup Feminina de waterpolo.
2018 Women’s Water Polo Europa Cup Super Final HUN – RUS #waterpolo pic.twitter.com/exTigelQgY
— LEN EuropeanAquatics (@LENaquatics) 22 de marzo de 2018
Relacionadas:
-
España de waterpolo despídese de Pontevedra gañando por penaltis a Hungría na Liga Mundial
Por Diego Espiño & Diego Torrado |
-
Grecia faise co título da Europa Cup en Pontemuíños con España terceira
Por Redacción & Diego Torrado |
-
Os paus evitan o remontada de España ante Rusia (8-9) na semifinal da Europa Cup
Por Diego Espiño & Diego Torrado |
-
Cálida acollida en Pontevedra á Selección Española de Waterpolo
Por Diego Espiño & Gabriela Varela Asorey |
-
Pontemuíños acollerá un partido da Liga Mundial de waterpolo entre España e Hungría
Por Clara Alonso |
-
A fase final da Europa Cup de waterpolo desvela o seu horario de competición
Por Redacción |
-
España e Grecia serán cabezas de serie na fase final da Europa Cup de waterpolo en Pontevedra
Por Diego Espiño |