Iván Martínez logra en Zamora a primeira vitoria da tempada para o Froiz
Por Redacción
Rozárao xa en varias carreiras, pero ata o momento resistíase a primeira vitoria do Grupo Deportivo Supermercados Froiz esta tempada, e non foi ata este domingo cando a escuadra pontevedresa conseguiuno.
Foi no Trofeo Iberdrola disputado en terras zamoranas, e grazas a Iván Martínez, que culminou o gran traballo do equipo secundado por Martín Lestido, segundo na liña de meta.
Foi unha carreira, con 144 quilómetros de percorrido, marcada polo vento e con cortes frecuentes, cun amplo pelotón de case 200 corredores de 26 equipos.
O Froiz estivo atento para meter a estes dous corredores no corte bo de 10 ciclistas que se produciu a 40 de meta. Iván atacou despois a falta de 20 quilómetros e con el marcharon con el Martín Lestido e un ciclista do Kometa Polartec, que non puido reaccionar a un novo ataque do representante do Froiz a falta de 5.000 metros.
O equipo alimenticio fíxose ademais coa clasificación de sprints especiais, ao que se engade o papel de Sergio Veiga no Trofeo Astillero en Cantabria, onde se alzou coa segunda posición tras dous ciclistas do Baqué e o primeiro posto na montaña.
Un día antes, o sábado e tamén en Zamora, a escuadra pontevedresa participou no Trofeo Concello de Zamora, nunha carreira que se decidiu ao sprint nun pequeno grupo de 15 corredores con tripla representación pontevedresa pero sen fortuna na chegada masiva.
Relacionadas:
-
O Froiz volve liderar o ránking nacional catro anos despois
Por Redacción |
-
O Froiz quere achegarse ao amarelo da Copa España no Memorial Pascual Momparler
Por Redacción |
-
Sergio Vega sobe posicións na xeral da Copa España tras ser segundo en Torredonjimeno
Por Redacción |
-
O Memorial Valenciaga e a Clásica de Pascua, no punto de mira do Froiz
Por Redacción |
-
Xornadas de probas biomecánicas no Froiz
Por Redacción |
-
Sergio Vega, noveno no Trofeo Guerrita, confírmase como primeira opción do Froiz na Copa de España
Por Redacción |
-
Un ciclista do Froiz sofre mentres adestraba o seu segundo atropelo en seis meses
Por Diego Espiño |
-
O Supermercados Froiz acada o décimo posto na Clásica de Aitzondo
Por Noelia Torres Pintos |