Miguel Induráin estará na segunda edición da 4 Picos Road
Por Diego Espiño
A segunda edición da Pontevedra 4 Picos Road Clásica Evaristo Portela contará cun dos mellores ciclistas da historia como gran reclamo.
Miguel Induráin, pentacampeón do Tour de Francia entre 1991 e 1995, dúas veces vencedor do Giro de Italia, campión do Mundo contrarreloxo e campión olímpico na mesma disciplina, entre outros logros, pedaleará á beira dos afeccionados á bicicleta que participen na marcha cicloturista.
Así o confirmou en propio Induráin nun vídeo publicado pola organización do evento, a cargo de Global DxT.
A segunda edición da proba manterá a dureza do seu percorrido con ascensións previstas aos altos de Castiñeiras, A Fracha, Acibal e Monte Castrove.
A data escollida para a súa celebración é o domingo 17 de xuño, pero o período de inscrición abrirá xa o vindeiro luns 12 de febreiro a través da web www.pontevedra4picos.com, con preferencia para os participantes na súa primeira edición e cun límite de 1.000 prazas para garantir a seguridade dos participantes.
Relacionadas:
-
Ciclismo en estado puro na segunda edición da 4 Picos Road
Por Redacción & Diego Torrado |
-
Indurain, Pereiro, Pino e 700 valentes máis para a segunda edición da 4 Picos Road
Por Diego Espiño |
-
O mundo do ciclismo rinde homenaxe a Evaristo Portela na primeira edición da 4 Picos Road
Por Diego Espiño & Diego Torrado |