As máximas autoridades deportivas apoian a Pontevedra na presentación do ITU Multisport Festival 2019
Por Redacción
A Feira Internacional de Turismo (FITUR) que se está a celebrar en Madrid foi escenario este xoves da presentación oficial do gran evento deportivo que acollerá Pontevedra en 2019, o ITU Multisport Festival de tríatlon, que supoñerá a celebración de ata cinco campionatos do Mundo na cidade.
Na caseta de Galicia en FITUR arrouparon á Boa Vila as máximas autoridades do deporte rexional e nacional. Así xunto ao alcalde, Miguel Anxo Fernández Lores, e a presidenta da Deputación, Carmela Silva, atopábanse o presidente do Consello Superior de Deportes, José Ramón Lete, a secretaria xeral para o Deporte da Xunta, Marta Míguez, a presidenta da Federación Internacional de Tríatlon (ITU), Marisol Casado, ou da Federación Española, Francisco Hidalgo, ademais da directora da Axencia Galega de Turismo, Nava Castro.
Do 27 de abril ao 5 de maio de 2019 Pontevedra converterase grazas ao ITU Multisport Festival no centro do tríatlon mundial nun evento que "estenderá o deporte máis aló da propia competición para convertelo nunha auténtica festa", sinalou Francisco Hidalgo.
O alcalde pola súa banda explicou na súa intervención que este tipo de probas deportivas, moi ligadas á ocupación das rúas, son idóneas para a cidade e para a súa idea de "recuperar o espazo público para que a xente disfrute".
A Lores dirixiuse tamén a presidenta provincial para augurar que o Multispor Festival "vai petala", convencida de que "eventos como este converten a vila nun auténtico exitazo", mentres que o presidente do Consello Superior de Deportes, José Ramón Lete, eloxiou o espírito da cidade do Lérez como reflexo dun mundo do deporte que "non se limita ao fútbol, senón que abarca un gran número de actividades das que Pontevedra e a súa enorme vida deportiva son un exemplo".
Durante os nove días de competición, celebraranse na Boa Vila os campionatos do mundo de tríatlon cros, tríatlon de longa distancia, dúatlon, aquatlón e aquabike.
Ao final da presentación pasouse tamén pola caseta de Galicia a presidenta do Congreso dos Deputados, Ana Pastor, para saudar á delegación da súa cidade e desexar "éxitos no evento".
No acto exhibiuse por primeira vez o vídeo promocional elaborado para o ITU Multisport Festival 2019.
Relacionadas:
-
Destinos galegos para gozar todo o ano
Por Redacción |
-
O ITU World Multisport de Pontevedra será o "maior evento" deportivo de Galicia en 2019
Por Alejandro Espiño |
-
O ITU Multisport Festival de Pontevedra, a un ano vista
Por Redacción |
-
O Multisport Festival e o Mundial Junior de Balonmán 2019, eventos de "excepcional interese público"
Por Diego Espiño | Creada e actualizada
-
Queres ser voluntario no Mundial de Triatlón de 2019?
Por David Arana |
-
Sanxenxo, terceiro mellor destino de calidade de España en 2017
Por Redacción |
-
Así é a curtametraxe que promociona as Rías Baixas en Fitur tocando "o máis fondo dos sentimentos"
Por Oskar Viéitez |
-
O ITU Multisport Festival 2019 de Pontevedra define a súa estratexia de comunicación
Por Redacción |
-
Os mundiais de tríatlon de 2019, centro da promoción de Pontevedra en Fitur
Por Alejandro Espiño |
-
"As sensacións son boas" tras a avaliación Federación Internacional Tríatlon
Por Redacción |
-
A Federación Internacional de Tríatlon pasa revista a Pontevedra para o ITU Multisport Festival 2019
Por Diego Espiño |