Os 'Hispanos' xa se deixan ver por Pontevedra
Por Diego Espiño
A Selección Española Absoluta masculina de balonmán xa se atopa en Pontevedra, onde o venres e sábado disputará o Torneo Internacional Domingo Bárcenas no que tamén tomarán parte os combinados nacionais de Polonia, Bielorrusia e Arxentina.
Na súa primeira xornada na Boa Vila, os 'Hispanos' asistiron a un acto promocional da nova roupa deportiva da Federación Española, pousando algúns deles como modelos improvisados na pasarela habilitada no Pazo da Cultura.
Entre eles recibiu o maior número de aplausos, xunto a algúns deportistas locais, o gardameta cangués Rodrigo Corrales, un dos 17 xogadores citados por Jordi Ribeira para preparar o Europeo de Croacia tras os descartes de Antonio Bazán e Sergey Hernández.
O equipo español estivo arroupado na presentación polo presidente do Consello Superior de Deportes, José Ramón Lete, ou a secretaria xeral para o Deporte da Xunta de Galicia, Marta Míguez, ademais do presidente da Federación Española, Francisco Blázquez, entre outros.
Unha vez en Pontevedra, a Selección Absoluta afrontará este xoves unha dobre sesión de adestramento no Pavillón Municipal dos Deportes, previa ao comezo do Torneo Internacional co choque ante Polonia do próximo venres 5 de xaneiro.
Relacionadas:
-
Pleno de vitorias para España no Memorial Domingo Bárcenas ao derrotar a Polonia en Vigo
Por Redacción |
-
España despídese de Pontevedra gañando a unha notable Arxentina (31-28)
Por Diego Espiño & Diego Torrado |
-
España resolve en dez minutos ante Bielorrusia e logo exhíbese (35-30)
Por Ramiro Espiño & Oskar Viéitez |
-
Bielorrusia, primeiro rival dos Hispanos no Torneo Internacional de España
Por Redacción |
-
A hostalería da cidade envórcase co balonmán: 33 locais ofrecerán descontos
Por Redacción |
-
Un mes de xaneiro para amantes do balonmán
Por Diego Espiño |
-
Jordi Ribera dá a lista de España para o Memorial Domingo Bárcenas que se xogará en Pontevedra
Por Redacción |
-
Á venda as entradas e abonos para o Memorial Domingo Bárcenas de balonmán
Por Redacción |