O Pontevedra Rugby Club ascende a 1ª Territorial tras vencer ao Bierzo RC (27-7) en Monte Porreiro
Por Diego Espiño
Con catro anos de vida e na segunda tempada de vida do equipo sénior o Pontevedra Rugby Club xa pode presumir dun ascenso en categoría absoluta despois de vencer no campo de Monte Porreiro (27-7) o Bierzo RC na final polo título nun encontro con nutrida presenza de afeccionados.
O equipo pontevedrés ascende así á 1ª Territotial Gallega despois dunha tempada case perfecta, na que só hai sufrida unha derrota, ante o Muralla, finalizando primeiro a liga regular e dobregando a CRAT Universidade da Coruña e Bierzo no play-off polo título da segunda división autonómica.
O Pontevedra RC logrou o salto de categoría despois dun encontro que dominou dende os primeiros minutos e no que sempre levou a pauta no electrónico, marcando ata catro ensaios e un golpe de castigo (27-0) antes de que o equipo visitante lograse maquillar o marcador, xa no último minuto do choque.
O Bierzo RC disputará agora unha eliminatria polo ascenso a dobre partido co sexto clasificado da 1ª Territorial, o Campus de Ourense.