"As sensacións son boas" tras a avaliación Federación Internacional Tríatlon
Por Redacción
A vista dos técnicos da Federación Internacional de Tríatlon ( ITU) a Pontevedra pechouse despois de dúas xornadas de traballo tras as que, segundo a concelleira de Deportes, Anxos Riveiro, "as sensacións son boas".
Os responsables da ITU participaron xunto a representantes das federacións española e galega, Servizo Municipal de Deportes e dirixentes de Policía Nacional, Garda Civil e Policía Local nunha reunión na que se avanzaron detalles do operativo especial previsto mentres dure o ITU Multisport Festival.
A seguridade durante o desenvolvemento das competicións, o control dos circuítos e tamén a chegada masiva de atletas e afeccionados de múltiples países son os puntos clave do dispositivo, de gran complexidade ao ter que coordinar a celebración de cinco campionatos do Mundo en dez días, os de aquatlón, aquabike, dúatlon, tríatlon cros e tríatlon de longa distancia.
Precisamente estas dúas últimas modalidades estiveron moi presentes na visita da ITU á Boa Vila, xa que os representantes federativos vestiron de curto para inspeccionar os circuítos previstos, que no caso da longa distancia será, se recibe o visto e prace, o mesmo que se utilice no Campionato de España do próximo mes de agosto co obxectivo de testear o seu correcto funcionamento.
A pesar da complexidade da organización do Multisport Festival, Pontevedra móstrase confiada da súa gran experiencia previa para evitar grandes problemas e que o evento sexa todo un éxito.
Relacionadas:
-
O ITU Multisport Festival de Pontevedra, a un ano vista
Por Redacción |
-
O Multisport Festival e o Mundial Junior de Balonmán 2019, eventos de "excepcional interese público"
Por Diego Espiño | Creada e actualizada
-
As máximas autoridades deportivas apoian a Pontevedra na presentación do ITU Multisport Festival 2019
Por Redacción |
-
O ITU Multisport Festival 2019 de Pontevedra define a súa estratexia de comunicación
Por Redacción |
-
Os mundiais de tríatlon de 2019, centro da promoción de Pontevedra en Fitur
Por Alejandro Espiño |
-
A Federación Internacional de Tríatlon pasa revista a Pontevedra para o ITU Multisport Festival 2019
Por Diego Espiño |
-
Saleta Castro correrá o Nacional de Longa Distancia de 2018 e o Mundial 2019 en Pontevedra
Por Diego Espiño |
-
O Campionato de España de Longa Distancia, aposta de Pontevedra para o tríatlon en 2018
Por Diego Espiño |
-
Un quinto campionato do Mundo completará o cartel do ITU Multisport Festival de tríatlon en 2019
Por Diego Espiño |