O Galaico fai balance positivo da súa participación no Nacional de Piscina Curta
Por Redacción
Para o Club Natación Galaico, a súa participación no Campionato de España Absoluto de Inverno celebrado ata o domingo en Barcelona foi positivo.
Dúas nadadoras, Carla Goyanes e Clara Otero, representaron o club na primeira gran competición da tempada, pensada como un test para os retos que están por vir ao longo do curso.
Goyanes debutaba nun Nacional Absoluto participando nas probas dos 100 e 200 bolboreta, logrando na segunda distancia a súa mellor marca persoal para finalizar na vixésima posición a pesar de ser aínda junior.
Pola súa banda Clara Otero nadou os 50 e 100 costas, 50 e 100 libre e os 100 estilos, sendo a mellor proba os 50 libre ao lograr a súa mellor marca persoal e acabar no posto 24.
No Nacional de Piscina Curta tomou parte tamén a pontevedresa Bea Gómez, defendendo as cores do Sabadell e logrando meterse en dúas finais. Ao quinto posto conseguido nos 400 estilos sumoulle a mesma posición na final dos 200 estilos, a menos dun segundo do podio (2:14.51).
Tras esta cita o Galaico pensa xa na Copa de España de Clubs que se disputará do 21 ao 23 de decembro. O equipo feminino repetirá en Sant Andreu na Primeira División Nacional, mentres que os mozos estrearanse na Segunda División en Sabadell.
Relacionadas:
-
O Natación Galaico vai de 'copas'
Por Redacción |
-
Posto de finalista para Bea Gómez na segunda xornada do Nacional de Piscina Curta
Por Redacción |
-
Primeira gran cita para Bea Gómez co seu novo club, o Natación Sabadell
Por Redacción |
-
O Galaico agárrase desde o inicio ao liderado da Liga Galega de División de Honra
Por Redacción |