Promesas do Lérez reúne a 289 nenos na piscina de Ponte Muiños
Por Diego Espiño
A piscina olímpica da Fundación Rías do Sur, en Ponte Muiños será escenario un ano máis do trofeo Promesas do Lérez, concretamente o sábado día 13 de abril.
Ata 13 clubs de Galicia daranse cita nas instalacións cun total de 289 nadadores en categoría benxamín e alevín, incluíndo 50 do club anfitrión, o Natación Galaico.
A competición supón, segundo o presidente do Galaico Alfonso Gallego, unha grande oportunidade para que os máis pequenos adquiran experiencia, "es una auténtica fiesta muy esperada en el club. Es la única oportunidad para estos niños de nadar y competir en piscina de 50 metros y con cronometraje electrónico".
As eliminatorias empezarán ás 10:30 horas da mañá. Pola tarde as probas arrancarán ás 16:30 horas.