Melania Rodríguez proclámase en Bulgaria campioa do mundo de ximnasia trampolín
Por Diego Espiño
Espectacular! Así estivo a ximnasta pontevedresa Melania Rodríguez no Campionato do Mundo de ximnasia trampolín que se está a disputar na capital búlgara, Sofía.
A deportista do Club Ximnasia Pontevedra As Burgas, acompañado da alma máter do club e seleccionador nacional Pablo Hinojar, brillou na final de dobre minitramp na categoría 15-16 para facerse coa medalla de ouro.
Melania accedeu á gran final tras ser cuarta na rolda preliminar entre a trintena de participantes cunha puntuación de 67.100 puntos.
Xa na final a pontevedresa elevou o listón cun concurso sobresaliente grazas a unha puntuación de 69.500 puntos, superando así á estadounidense Kiley Lockett (69.100 puntos) e á rusa Alexsandra Bonartseva (68.100 puntos), prata e bronce respectivamente.
A competición en Bulgaría continúa este xoves para o club pontevedrés nas categorías de idades coa participación en dobre minitramp de Alejandro Cid.
Trátase da primeira medalla no presente Mundial para o Ximnasia Pontevedra As Burgas, que xa rozou o podio na categoría absoluta co ourensán Daniel Pérez, cuarto na final do mesmo aparello, o dobre minitramp.
Relacionadas:
-
Pablo Hinójar volve facerse cargo da selección española de ximnasia acrobática
Por Manu Otero |
-
Melania Rodríguez e Álex Bernárdez aspiran a medalla no Mundial de Ximnasia Trampolín
Por Diego Espiño |
-
Exitosa estrea do Open Treboada de ximnasia acrobática
Por Redacción & Diego Torrado |
-
Melania Rodríguez revalida en Bakú o seu título europeo de ximnasia trampolín
Por Diego Espiño |
-
Unha ilusión 'mundial' para o Club Treboada de ximnasia
Por Redacción |
-
Recoñecemento ao traballo do Club Ximnasia Pontevedra
Por Redacción |
-
Melania Rodríguez proclamouse en Valladolid campioa de Europa junior de ximnasia trampolín
Por Diego Espiño |