Daniela Vismane fai pleno en Sanxenxo no peche do Torneo Internacional Junior ITF
Por Redacción
O XVI Torneo Internacional Junior ITF de Tenis de Sanxenxo chegou este domingo ao seu fin cun nome propio, o de Daniela Vismane.
A xogadora letona completou en Sanxenxo dúas semanas espectaculares converténdose na primeira deportista que logra o título, en individuais e en dobres, nos torneos de Pontevedra e Sanxenxo, que se disputan de maneira consecutiva no calendario desde hai seis anos.
No Círculo Cultural Deportivo de Sanxenxo, Vismane coroouse ao superar na final á francesa Alice Tubello en dúas mangas, por un contundente 6-1 e 6-3. Foi un partido que dominou de punta a cabo ante a resignación da súa rival.
Máis disputada estivo a final masculina, que enfrontaba ao búlgaro Adrian Andreev e ao polaco Wojciech Marek, un xogador que destaca polos seus máis de 1,90 metros de altura.
O título levouno Andreev, que se impuxo nun igualado primeiro set (6-4) e aproveitou o impulso que iso lle deu e o nerviosismo do seu rival na segunda manga para pechar o partido (6-3).
Na entrega de premios do Torneo Internacional de Sanxenxo estivo presente o director deportivo da Real Federación Española de Tenis, Javier Soler.
Relacionadas:
-
O Torneo Júnior ITF de Sanxenxo logra o salto á máxima categoría internacional
Por Redacción |
-
O Torneo Internacional Cadete de Tenis de Sanxenxo ascende á máxima categoría
Por Redacción |
-
Os cadetes prolongan o espectáculo tenístico en Sanxenxo co X Torneo Internacional
Por Redacción |
-
O Torneo Internacional ITF de Sanxenxo avanza cara ás roldas finais
Por Redacción |
-
A choiva condiciona o inicio do XVI Torneo Internacional Junior ITF de Tenis de Sanxenxo
Por Redacción |
-
O sexto Torneo Internacional Junior ITF queda sen triunfo nacional
Por Redacción |