VÍDEO.- Pablo Dapena, rei nacional do tríatlon de longa distancia
Por Diego Espiño
Non esquecerá facilmente Pablo Dapena o seu ano 2017, con bos resultados en probas de diferentes características, desde a distancia olímpica, na que se proclamou subcampión nacional, pasando pola media e tamén pola longa distancia.
Foi precisamente nesta última especialidade, a longa distancia, na que este ano fixo a súa primeira incursión, na que logrou o maior éxito do ano, ao colgar o ouro este domingo no Campionato de España celebrado en Eivissa.
O triatleta pontevedrés partía entre a terna de favoritos e non defraudou, destronando ao tudense Gustavo Rodríguez, que finalizou en terceiro lugar.
Dapena situouse nos postos de cabeza tras os 4 quilómetros iniciais de natación xunto a Emilio Aguayo ou Ángel Salamanca, con dous minutos e medio de vantaxe sobre outro grupo formado por Javier Cardona, Victor Manuel Gónzalez e Miguel Ángel Fidalgo.
Tal e como se prevía, Gustavo Rodríguez perdía tempo na natación, pero recuperaría posicións nos 120 quilómetros de ciclismo chegando á última transición terceiro. Segundo era Pablo Dapena a 4:50 da primeira posición.
Faltaban 30 quilómetros de carreira a pé e aí Dapena deu unha auténtica exhibición, cun chuvieiro que elevaba a categoría de épico o esforzo. Alcanzou a Aguayo aos 10 quilómetros para marchar despois en solitario cara á vitoria.
Ao final, o pontevedrés chegaba a meta cun tempo de 5 horas, 59 minutos e 31 segundos, con case 6 minutos de vantaxe sobre Emilio Aguayo (6:05:25) e máis de 7 minutos sobre Gustavo Rodríguez (6:06:43), que completou o podio.
Todo un exito que permitirá a Dapena chegar o próximo ano a Pontevedra, onde se disputará o Nacional de Longa Distancia, coa condición de vixente campión.
Bajo un aguacero impresionante y de forma épica @pablitopiny es el nuevo campeón de España de Triatlón de LD #fetrildibiza #somostriatlon pic.twitter.com/m63nKufd8P
— FETRI (@TRIATLONSP) 22 de octubre de 2017
Relacionadas:
-
Pablo Dapena, obxectivo Campionato do Mundo de Tríatlon de Longa Distancia
Por Diego Espiño |
-
Un espectacular Pablo Dapena vence en Gran Canaria superando ao campión do Mundo Ironman
Por Diego Espiño |
-
Pablo Dapena estrea tempada cun segundo posto no Challenge Roma
Por Diego Espiño |
-
RADIO.- Pablo Dapena: "Un mundial de 70.3 es algo que me motiva"
Por Ramiro Espiño |
-
Pablo Dapena, entre os favoritos en Eivissa no Campionato de España de Longa Distancia
Por Diego Espiño |
-
Pablo Dapena logra o subcampionato de España en distancia olímpica
Por Redacción |
-
Caloroso recibimento a Pablo Dapena tras a súa decepción mundialista
Por Diego Espiño |
-
Pablo Dapena, descualificado cando rodaba en boa posición no Mundial de Longa Distancia
Por Diego Espiño |