O Peixe Galego reforza o plantel tras o seu bo inicio na Liga EBA
Por Redacción
Pese ao pouco tempo que tivo para conformar o seu plantel, o Peixe Galego arrincou con forza a súa andaina na Liga EBA de baloncesto.
Os de Marín, que están dispostos a recuperar pola vía rápida a praza que merecen na LEB Prata, sumaron senllas vitorias a domicilio ante Gijón e Betanzos nas dúas primeiras xornadas da competición, pero non se conforman.
Así o demostran ao reforzar o equipo cunha nova incorporación, a do ala-pívot estadounidense Tre Hale-Edmerson, segundo anunciou este venres.
O xogador, que completou a súa formación universitaria na Big West da NCAA na Universidade Estatal de California Northridge, chega a Marín tras vivir o pasado ano a súa primeira experiencia europea nas filas do Citybasket Recklinhausen da Pro B alemá e no Unión Neuchatel suízo.
Tre Ale-Edmerson, con 2,06 metros de altura e 96 quilos de peso, chega segundo o club para ser un xogador importante nos esquemas de Javi Llorente.
A andaina do Peixe Galego na Liga EBA vivirá un novo capítulo o vindeiro domingo 22 de outubro na pista do CB León.
Relacionadas:
-
Non hai quen poida co Peixe Galego na Liga EBA
Por Redacción |
-
O Peixe Galego continúa imparable na Liga EBA
Por Redacción |
-
Un equipo a contrarreloxo pero de garantías para recuperar na cancha a categoría perdida
Por Redacción |
-
A Copa Galicia de baloncesto, puro espectáculo na Raña
Por Redacción & Diego Torrado |