Novo derbi para o Arxil, que busca recuperar as boas sensacións
Por Redacción
Se nun derbi chegou a primeira derrota da tempada noutro duelo de rivalidade autonómica esperan recuperar as boas sensacións do inicio de liga.
O Club Baloncesto Arxil buscará este sábado (17:00 horas) esquecer o tropezo na casa ante o Celta visitando a pista do Ensino de Lugo, equipo que conta no seu balance cun triunfo e dúas derrotas nas tres primeiras xornadas da competición.
No club verde están convencidos de que a derrota ante o Celta debeuse a un mal día, especialmente pola baixada de rendemento do segundo cuarto no que cederon por 10 a 28, e baséanse nas estatísticas do seu plantel para ver o futuro con optimismo.
Tres xogadoras arxilistas promedian máis de 10 puntos por partido, como son Ana Román (12), María Lago (10,67) e Arantxa Mallou (10,33 puntos). Chantel Charles e Lago destacan ademais no apartado de recuperacións e tanto a propia María Lago como Arantxa Mallou son dúas das xogadoras que máis faltas reciben da liga, en cuarta e segunda posición respectivamente.
Relacionadas:
-
A recta final do partido permite ao Arxil sorrir ante Joventut Les Corts (63-74)
Por Redacción |
-
O maldito segundo cuarto volve condenar o Arxil, esta vez en Lugo (67-57)
Por Redacción |
-
O Arxil paga cunha contundente derrota o seu mal segundo cuarto fronte o Celta (53-72)
Por Redacción |
-
O Arxil presume do nivel da súa canteira
Por Redacción |
-
O Arxil confirma o seu bo inicio de liga vencendo en Oviedo (47-79)
Por Redacción |