O Pontevedra Mareantes vence en Lalín (17-33)
Por
No seu segundo partido da tempada na Primeira Galega de rugby, o Pontevedra Mareantes conseguiu o seu primeiro triunfo en liga superando a domicilio ao Lalín (17-33).
A escuadra pontevedresa levou a iniciativa desde o arranque do encontro ante un equipo local que se presentaba con baixas pero que mostrou un bo traballo defensivo obrigando a que o PRC Mareantes se empregase a fondo.
Superada esa situación e xerando superioridades a efectividade ofensiva deulle o triunfo aos pontevedreses, con ensaios para Punti, Jandro, Alvarito, Javi e Álex e catro transformacións de Jandro.
Esta eficacia outorgou ademais bonus ofensivo, o que permite ao Pontevedra Mareantes situarse na terceira posición da clasificación con 6 puntos, a 4 dos líderes, Keltia e Os Ingleses.
DERROTA DO SEGUNDO EQUIPO
Non lle foron tan ben as cousas ao segundo equipo do Pontevedra Mareantes, ao ceder en Monte Porreiro ante o Barbanza RC, filial á súa vez dos Ingleses de Vilagarcía.
Cunha convocatoria axustada non puideron competir ante un equipo reforzado por xogadores do primeiro plantel e que lles superou con claridade por 17 a 67.
Relacionadas:
-
O Pontevedra Mareantes cae ante o Lalín e métese en problemas
Por Redacción |
-
Axustada derrota do Pontevedra Mareantes ante o Keltia Ourense (20-26)
Por Redacción |
-
O Pontevedra Mareantes, sen opción en Ferrol
Por Redacción |
-
RADIO.- "Hay una ilusión renovada" no rugby pontevedrés
Por Redacción |
-
Inmellorable estrea do Pontevedra Mareantes Rugby Club
Por Redacción |