Duro correctivo do Huesca (34-23) a un Condes de Albarei Teucro a remolque, que se afunde ao final
Por Redacción
Estivo moi lonxe o Condes de Albarei de ser o equipo compacto e serio de anteriores partido. Fronte ao Huesca foi a remolque desde o comezo do partido para renderse a partir do minuto 40 de xogo e terminar encaixando unha avultada derrota.
Os locais comezaron mandando e marcando unha renda de tres goles con rapidez, que aos poucos foron subindo fronte a un Teucro atrancado en ataque e sen conseguir axustar a súa defensa.
Quique Domínguez viuse obrigado a solicitar dous tempos mortos en pouco máis de once minutos, pero nin iso serviu para arranxar os problemas dos seus, que vían como a desvantaxe crecía ata o 9-3.
A partir dese momento o Teucro fixo a goma en varias ocasións, chegando a poñerse a só dous goles de diferenza cun parcial de 1-5 e Yoán Balázquez exhibindo o seu potente lanzamento (11 goles logrou en total).
Borja Méndez apertaba máis as cousas ata un mínimo 12-11, pero o Bada Huesca reaccionou e logrou un parcial de 6-1 que deixaba en 18-12 as cousas ao descanso.
O regreso de vestiarios serviu para que o Teucro volvese achegarse minimamente, chegando a poñerse a catro goles (23-19). Sería o canto do cisne para os galegos, que se afundiron nos últimos 20 minutos, vendo como Huesca afastábase cada vez máis ata redondear ese avultado 34-23 final.
BADA HUESCA (34): Gómez Lite; Oier (6), Henrique Teixeira (3), Félez (5), Marcelo (2), Carmona (7), Carró (4) -sete inicial-, Arguillas (p.s.); Abadía, Val, Adriá Pérez (2), Dijá, Marco Mira, Miguel Malo, Zungri (4) e Bonanno (1).
CONDES DE ALBAREI TEUCRO (23): Santana; Borja Méndez (3), Carlos Gehrhardt (1), Colasuonno (1), Rial, Bruno Teixeira, Edu Moledo -sete inicial-, García Lloria (p.s.); Moyano (1), Yoán Balázquez (11), Quintas (1), Iván Fernández, Carlos García (3), Dani Hernández (2), Iglesias e Altirriba.
Árbitros: Enric Escoda Pérez e Roland Sánchez Bordetas (Cataluña). Excluíron dous minutos aos locais Oier e Miguel Malo, descualificando con vermella directa a Adriá Pérez (35'), e a Edu Moledo, Colasuonno, Bruno Teixeira, Balázquez e Altirriba, no Teucro.
Marcador (cada cinco minutos): 4-1, 8-3, 9-4, 10-8, 14-11, 18-12 (descanso), 20-16, 23-18, 26-19, 28-21, 31-23 e 34-23 (final).
Incidencias: Palacio dos Deportes (Huesca) Uns 700 espectadores.
Relacionadas:
-
Dolorosa derrota ante o Puente Genil dun Condes de Albarei Teucro de dúas caras (29-31)
Por Diego Espiño & Diego Torrado |
-
Domingo de balonmán no Municipal para o Teucro ante un rival directo pola permanencia
Por Diego Espiño |
-
O deporte como ferramenta de educación
Por Diego Espiño |
-
Non dá opción o Condes de Albarei Teucro ao Agustinos e segue adiante na Copa do Rei (31-38)
Por Redacción |
-
Alacante espera a un Condes de Albarei Teucro que pon o 'modo Copa'
Por Diego Espiño |
-
O Condes de Albarei Teucro viaxa a Huesca "cos pés no chan"
Por Diego Espiño |
-
O azul do Teucro contaxia á selección arxentina de balonmán
Por Redacción |
-
Balázquez imponse no duelo de "cañoneiros" e o Teucro gústase ante Puerto Sagunto (36-28)
Por Ramiro Espiño & Diego Torrado |