Un equipo a contrarreloxo pero de garantías para recuperar na cancha a categoría perdida
Por Redacción
Sen renunciar aínda á batalla nos despachos para recuperar o seu lugar na liga LEB Prata, o Peixe Galego céntrase por primeira vez en semanas no estritamente deportivo, o que pasa por preparar la cada vez máis próxima estrea da Liga EBA.
O cadro marinense, que debutará o 7 de outubro ante o Gijón Basket, traballa a contrarreloxo para confeccionar un plantel de garantías co obxectivo de gañar polo menos na cancha o oco que cre merece en Prata.
Con Javi Llorente á fronte da nave desde o banco, o Peixe foi avanzando na composición do equipo con xogadores contrastados.
Destaca a renovación de Jorge Romero, xogador que levará o mango de xogo e que era peza importante a pasada campaña en LEB Ouro, pero tamén a volta de vellos coñecidos da afección marinense como Emilio Oubiña, Pablo González e Darío Suárez.
O Peixe Galego fíxose tamén cos servizos do pívot norteamericano Brent Calhoun e do alero Gerard Sevillano, procedente do Força Lleida.
Ademais, o pavillón da Raña vivirá a volta ás pistas do alero sueco Victor Holmbergm, parte estes anos do corpo técnico que encabeza Javi Llorente e que botará unha man ao equipo volvendo a calzar as botas.
Relacionadas:
-
O Peixe Galego continúa imparable na Liga EBA
Por Redacción |
-
O Peixe Galego reforza o plantel tras o seu bo inicio na Liga EBA
Por Redacción |
-
A Copa Galicia de baloncesto, puro espectáculo na Raña
Por Redacción & Diego Torrado |
-
O Peixe Galego tramita a súa inscrición na Liga EBA
Por Diego Espiño |
-
O Consello Superior de Deportes rexeita o recurso do Peixe Galego, que queda fóra da LEB Prata
Por Diego Espiño |