O título galego, en xogo na XVIII Subida a Escusa
Por Diego Espiño
A sempre espectacular Subida a Escusa faise maior de idade e chega esta fin de semana, os días 16 e 17 de setembro, á súa XVIII edición.
Faio ademais co Campionato Galego de Montaña en xogo (é a penúltima cita do calendario) e cun piloto con opcións de sentenciar o título.
Ese é Alexis Viéitez (Buxa Motor Poio), que buscará os puntos necesarios para reter o cetro autonómico na carreira que organiza a súa propia escuadra. Para iso bastaríalle con subir ao podio final da carreira, xa que calquera dos tres primeiros postos garantiríanlle ser o mellor o campionato.
"É unha das citas máis esperadas do Concello", recoñeceu na presentación da proba automobilística a concelleira de Deportes de Poio, Marga Caldas.
Un ano máis agárdase a presenza de miles de afeccionados ao longo dos 3,8 quilómetros de percorrido, ao que se darán un total de catro pasadas cronometradas máis dous de adestramentos.
A tres primeiras (unha de adestramento e dúas mangas oficiais) disputaranse a partir das 15:30 horas do sábado, mentres as tres restantes terán lugar a partir das 9:30 horas do domingo.
A XVIII Subida a Escusa repartirá en premios 7.000 euros en metálico, segundo avanzou a presidenta da Escudería Buxa Motor Poio, Noemí Blas.
Relacionadas:
-
Pablo Rey vence na XVIII Subida a Escusa e dá emoción ao Campionato Galego
Por Redacción & Diego Torrado |
-
Dominio absoluto de Alexis Viéitez na I Subida Cerdedo-Cotobade
Por Redacción & Diego Torrado |
-
Alexis Viéitez repite triunfo na Subida a Ponte Caldelas
Por Redacción & Diego Torrado |
-
Alexis Viéitez confirma o seu dominio e adxudícase a súa terceira Subida Cidade de Pontevedra consecutiva
Por Diego Espiño & Diego Torrado |