O Peixe Galego tramita a súa inscrición na Liga EBA
Por Diego Espiño
Empeza a mirar ao futuro o Peixe Galego tras a súa polémica exclusión, ou non inscrición, na liga LEB Prata de baloncesto, categoría na que tiña dereitos deportivos ao descender a pasada campaña desde a LEB Ouro.
O club marinense non se esquece da súa pelexa, pero iniciou os trámites para inscribir ao seu equipo absoluto na Liga EBA, cuarta categoría do baloncesto nacional.
"Este feito non supón a nosa renuncia ao que cremos é de xustiza, que é o dereito a praza na liga LEB Prata", sinala o club, que tras a resolución contraria do Consello Superior de Deportes presentou xa un recurso ante a Audiencia Nacional.
"A decisión de inscribirse na liga EBA obedece a seguir mantendo o proxecto dun deporte que é un símbolo na vila de Marín", explica o Peixe Galego nun comunicado.
En calquera caso o club criticou unha vez máis a "actitude desconcertante e arbitraria" da Federación Española de Baloncesto, que non quixo ampliar a LEB Prata tras a exclusión de Peixe Galego e Zornotza por supostos defectos de forma na documentación presentada pero si abriu esa posibilidade en EBA.
Relacionadas:
-
Un equipo a contrarreloxo pero de garantías para recuperar na cancha a categoría perdida
Por Redacción |
-
A Copa Galicia de baloncesto, puro espectáculo na Raña
Por Redacción & Diego Torrado |
-
Unha festa do baloncesto galego para goce da afección marinense
Por Redacción |
-
O Consello Superior de Deportes rexeita o recurso do Peixe Galego, que queda fóra da LEB Prata
Por Diego Espiño |
-
Renuncia á Copa Galicia dun Peixe Galego que segue á espera do CSD
Por Redacción |
-
O baloncesto galego pecha filas para esixir a inscrición do Marín Peixe Galego na LEB Prata
Por Alejandro Espiño |
-
A Federación exclúe ao Peixe Galego da LEB Prata
Por Redacción |