Jesús Berrocal, preparado para debutar ante o Toledo
Por Diego Espiño & Cristina Saiz
O Pontevedra Club de Fútbol presentou este martes oficialmente á súa última fichaxe, o dianteiro Jesús Berrocal, que co inicio da semana incorporouse aos adestramentos do equipo.
Berrocal asegurou na súa primeira comparecencia como xogador granate estar preparado para debutar co equipo o vindeiro domingo (17:00 horas) ante o Toledo, sempre que Luisito o considere oportuno, despois de completar a pretempada co Hércules de Alacante, o seu club de procedencia. "Rescindí con el Hércules el 31 y entrené con ellos a diario", explicou ao falar do seu momento de forma.
O ariete andaluz recoñeceu que "me llamó mucho lo que es el club y la ciudad", á que chega co obxectivo de "hacer el máximo número de goles posibles".
En canto ás súas primeiras impresións en Pontevedra, e á complicada situación que vive o equipo tras o seu mal inicio de liga, Jesús Berrocal ve "un vestuario muy bueno, muy sano y sobre todo con muchas ganas de reaccionar y hacerlo bien".
A do dianteiro é unha aposta do club, xa que ao contrario que con gran parte do plantel asinouno por dúas tempadas, algo que o responsable da planificación deportiva, Roberto Feáns, xustificou pola súa experiencia en categorías superiores e en "equipos importantes".
Feáns recoñeceu ademais que "a lo largo de este año esperamos poner pilares fijos para no hacer tantos cambios a final de temporada", tal e como se viron obrigados a facer nos últimos veráns.
Relacionadas:
-
Jesús Berrocal queda en Pontevedra á espera de atopar un novo equipo
Por Manu Otero & Mónica Patxot |
-
Desconto fatal para un Pontevedra que deixa escapar a vitoria sobre o Toledo na última xogada (3-3)
Por Ramiro Espiño & Diego Torrado |
-
Con todo o plantel dispoñible para remontar o voo ante o Toledo
Por Diego Espiño |
-
RADIO.- Roberto Feans transmite "tranquilidad y optimismo" á afección pese ao mal inicio de liga
Por Redacción |
-
O Pontevedra entra en "depresión profunda" sufrindo en Cerceda a súa cuarta derrota consecutiva (1-0)
Por Ramiro Espiño & Diego Torrado |
-
O dianteiro Jesús Berrocal, novo xogador do Pontevedra por dúas tempadas
Por Diego Espiño |
-
A Gimnástica Segoviana apea da Copa pola vía rápida a un Pontevedra de chiste (2-0)
Por Redacción |