Retorno á competición para o Froiz na Vuelta a Ávila
Por Redacción
O Grupo Deportivo Supermercados Froiz retoma a competición nas categorías elite e sub-23 participando durante a fin de semana na XLIV Vuelta Ciclista a Ávila, que supón o inicio da recta final da tempada.
A rolda por etapas, que homenaxea ao ex-ciclista Julio Jiménez, conta con dúas xornadas deixando atrás o tradicional circuíto pola muralla da localidade abulense.
A primeira etapa, con 139 quilómetros entre Navalacruz e Navarrevisca, ten tres ascensións puntuables. Pola súa banda a segunda e última xornada contará con 117 quilómetros de percorrido con saída e chegada na localidade del Tiemblo con dous portos de primeira categoría.
O equipo do Froiz en Ávila estará formado por: Pedro Merino, Miguel Gómez, Martín Lestido, Antonio Portela, David González, Alejandro Regueiro e Jesús Merino.