Máis de 700 atletas competirán nunha +10 Marín de récord
Por Redacción
A carreira popular +10 Marín segue gañando adeptos. Un total de 714 atletas confirmaron a súa presenza na proba, que se celebrará este sábado 29 de xullo. Supérase así o anterior récord, establecido en 2014 con 694 corredores.
O programa iniciarase ás 19.30 horas cunha masterclass gratuíta de zumba na Alameda de Marín, que fará as delicias de todos os que non desexen estar parados antes da carreira. Posteriormente, a partir das 21 horas, iniciaranse as carreiras de menores, que serán catro ou cinco dependendo do número de inscritos.
O momento grande da noite vivirase entre as 21.45 horas e as 22 horas, cando se sucederán as homenaxes e o pistoletazo de saída da carreira desde a Avenida Ourense, como vén sendo habitual.
O circuíto desta sexta edición será semellante ao de anos anteriores, coa novidade de que nesta ocasión foi homologado pola Real Federación Española de Atletismo.
Haberá dous cambios: un, por seguridade, que evitará o espigón da Escola Naval; e outro, para axustar o percorrido, realizarase o bypass na rúa Exército e Mariña onde se fai un xiro de 180 graos. A meta seguirá estando situada na rúa Almuíña, moi preto do palco da música da Alameda.
En canto aos dos máis pequenos, nun abanico de 100 a 1.000 metros, realizaranse todas as carreiras na Avenida Ourense, con partida e chegada no arco de saída.
Unha das grandes novidades da presente edición será o acto solidario patrocinado pola panadería A Devesa. Para poder participar na degustación, todos os participantes deberán entregar un quilo de comida que irá acompañado dunha doazón por parte do patrocinador. A actividade realizarase na alameda Rosalía de Castro.
Relacionadas:
-
A carreira popular +10 Marín estrea gañadores: Antonio Serrat e Joselyn Brea
Por Redacción & Diego Torrado |
-
A +10 Marín terá, un ano máis, carreira infantil
Por Redacción |
-
Carlos de la Torre, homenaxeado pola carreira +10 Marín
Por Redacción |
-
29 de xullo, data escollida para a sexta edición da carreira +10 Marín de homenaxe a Manuel Rosales
Por Redacción |