Celta B, Bouzas e Cerceda, arranque galego para o Pontevedra nun novo ano na Segunda B
Por Alejandro Espiño
Ás veces, o calendario é caprichoso. Como este ano. O Pontevedra terá un arranque atípico na súa nova tempada, a terceira consecutiva, na Segunda B do fútbol español. Non sairá de Galicia durante o primeiro mes de competición. Non será ata o 17 de setembro, na quinta xornada, cando cruce máis aló do Padornelo.
E é que o sorteo celebrado este mércores na sede da Real Federación Española de Fútbol determinou que o Pontevedra inicie a liga con tres derbis. O debut do novo proxecto granate será o 20 de agosto en Barreiro, ante o Celta B.
Pasarón recibirá ao seu primeiro rival unha semana despois, o 27 de agosto. Será o Rápido de Bouzas, equipo recentemente ascendido de Terceira. Tamén o é -aínda que pola vía administrativa- o Cerceda, localidade coruñesa á que o Pontevedra viaxará o 3 de setembro.
O Toledo, un dos firmes candidatos ao playoff de ascenso, chegará a Pontevedra na cuarta xornada, o 10 de setembro, e os homes de Luisito viaxarán a Fuenlabrada, o seu primeiro desprazamento fóra de Galicia, o 17 de setembro.
Non serán Toledo e Fuenlabrada os únicos favoritos ao ascenso aos que se enfrontará o Pontevedra no primeiro tramo de liga. Xa na sétima xornada chegará o derbi co Rácing de Ferrol, na cidade departamental o 1 de outubro; mentres que o Real Madrid B visitará Pasarón a semana seguinte, o 8 de outubro.
Ponferradina, equipo ao que visitará o Pontevedra o 29 de outubro (xornada 11), será outra das grandes citas como tamén os outros dous derbis, co Coruxo e o Deportivo B, ambos os dous primeiro en Pasarón o 22 de outubro (xornada 10) e o 1 de novembro (xornada 12).
O equipo granate poñerá fin á primeira volta tamén en casa, contra o Atlético de Madrid B (17 de decembro), conxunto co que despedirá a liga na capital de España o 13 de maio.
Relacionadas:
-
O debut de Pontevedra na liga contra o Celta B, en horario matinal
Por Alejandro Espiño |
-
Golazos da canteira na vitoria do Pontevedra sobre o Porriño (2-0)
Por Ramiro Espiño & Diego Torrado |
-
Dous erros defensivos condenan un digno Pontevedra ante o Sporting de Gijón (1-3)
Por Ramiro Espiño & Cristina Saiz |
-
Moaña, debut para o Marcón no seu regreso a Preferente; Mondariz, primeiro rival no Carrasco
Por Alejandro Espiño |
-
Ourense, Negreira, Barco e Barbadás, primeiros rivais de Arosa, Céltiga, Villalonga e Ribadumia
Por Alejandro Espiño |
-
Sporting de Gijón, un rival de altura en Pasarón para o torneo Ciudad de Pontevedra
Por Alejandro Espiño |
-
O Pontevedra derrota a Coruxo e Arosa e adxudícase o XLVIII Trofeo Carneiro ao Espeto
Por Ramiro Espiño & Diego Torrado |
-
Gimnástica Segoviana a domicilio, primeiro rival do Pontevedra na Copa do Rei
Por Ramiro Espiño |
-
Demasiado Deportivo para un voluntarioso pero verde Pontevedra no Luís Otero (0-5)
Por Ramiro Espiño & Diego Torrado |
-
Prosi, ambicioso no seu primeiro día como granate: "Llego con la expectativa clara de subir a Segunda"
Por Diego Espiño |
-
Bota a andar o Pontevedra con once caras novas, dúas fichaxes pendentes e o play-off como obxectivo
Por Ramiro Espiño & Mónica Patxot |