Ilusións europeas para o piragüismo pontevedrés en Bulgaria
Por Redacción
Chega unha das grandes citas da tempada para o piragüismo pontevedrés, que estará representado no Campionato de Europa Sprint senior que arrinca o vindeiro venres 14 de xullo.
A localidade búlgara de Plovdiv acollerá unha competición na que varios padeeiros da provincia aspiran a ser protagonistas, como Adrián Sieiro e Sergio Vallejo (Piragüismo Poio Pescamar) na canoa.
Sieiro e Vallejo chegan á cita co obxectivo de pelexar polo podio no C-2 1.000 metros despois do seu bo papel nas copas do Mundo de Hungría e Serbia, aínda que o primeiro deles participará tamén no C-1 200 metros.
Outra das bazas da comarca será Natalia García (Breogán do Grove) no K-4 500 xunto a Estefanía Fernández, Miriam Veiga e a tamén galega Raquel Dacosta (Club As Torres).
Pola súa banda Elena Naveiro (Breogán do Grove) competirá en Plovdiv no Europeo de Paracanoe na modalidade de L3 K1 200 metros.
O campionato comezará oficialmente o xoves coa cerimonia de apertura. O venres terán lugar as semifinais de 1.000 e 500 metros, o sábado veranse as primeiras finais cos K-4 1000 metros e o C-2 feminino na distancia de 500 metros, ademais das series de paracanoe, e o domingo disputaranse as finais de 500 e 200 metros.
Relacionadas:
-
Un sexto posto no C-1 200 pecha a participación de Adrián Sieiro no Europeo
Por Redacción |
-
Esforzo sen recompensa para Adrián Sieiro e Sergio Vallejo na final europea de C-2 1.000
Por Redacción |
-
Adrián Sieiro e Sergio Vallejo, á final europea pola vía rápida
Por Redacción |
-
O Breogán do Grove acaba terceiro no Campionato de España Sprint de Verducido
Por Redacción |
-
Diego Romero e Adrián Sieiro, protagonistas no inicio do Nacional de piragüismo
Por Redacción |
-
Raquel Torres e Manuel Fontán, seleccionados para o Festival Olímpico da Xuventude
Por Redacción |
-
Adrián Sieiro e Sergio Vallejo, bronce na Copa del Mundo de Belgrado
Por Alejandro Espiño |