![](/web/cache/scene/uploads/fotos/foto/1c2/_S7QytKoutjK3UsovKMnMzytWsi62MgJyq/Lzc52L8gt0zCwMdI_/_wNDHSSU/NKUot0SvILlKxrAQ==_/59635d0aa2-img-20170709-wa0030.jpg)
© Federación Española de Boxeo
Aarón González coróase en Murcia como campión de España de boxeo
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/29a/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/59635d4d4a-img-20170709-wa0000.jpg)
© Federación Española de Boxeo
O que a segue a consegue. Aarón González pode presumir de ser campión de España absoluto de boxeo olímpico despois de coroarse na competición celebrada durante os últimos días en Murcia.
O púxil marinense, que competiu pola selección galega, fíxose co ouro na categoría de 69 quilos despois dun torneo moi regular e unha emocionante final, na que dobregou aos puntos a Jon Jader, un xoven boxeador vasco que pertence ao equipo nacional.
A pesar da dificultade, Aarón creceuse nos momentos de máxima tensión para convecer aos xuíces e facerse cun título que perseguiu nos últimos anos. O bronce pola súa banda foi para o catalán Víctor Veiga e o valenciano Edgar Martín.
A medalla de ouro foi a guinda do pastel para o Team Thunder, que pisou en dúas ocasións máis o podio na categoría feminina grazas a Rocío Suárez e Lorea Murgoitio.
Rocío levou a prata na categoría de 45-48 quilos ao ceder na gran final ante a castelán-leonesa Eneritz Borinaga, mentres Lorea foi bronce na categoría de 57 quilos.
Ademais, completando a lista de éxitos, a selección galega masculina proclamouse subcampioa de España por equipos.